قصص واقعية

ربيت ولاد جوزى احسن من امهم

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

‏في واحد جارنا مراته ماتت وسبتله ٣ صبيان أكبرهم كريم في ٣ ابتدائي بعد موتها بفتره سمعنا انه داخل على مشروع جواز وفعلا اتجوز واحدة مطلقة متجوزة مرتين قبل كده واطلقت لان كل دكتور راحتله أكد إنها مستحيل تخلف قال دي أنسب واحدة عشان عيالي وخصوصًا انه بيسافر مش برا مصر بس بعيد عنهم بيجي ‏أجازة كل ٢٠ يوم وهي صغيرة في السن أوي وجميلة أوي وشيك جدااا وكلنا قلنا واحدة زي دي وبالجمال والشياكة دي ازاي هتربي ٣ اطفال مع مرور الوقت لقينا الاولاد حالهم بيتغير ١٨٠ درجة للأحسن بقوا نضاف جدا واسلوبهم في الكلام حلو اوي اوي عمرنا ما سمعناها بتزعق لحد فيهم أو بتشخط في حد ..

‏ اشتركت لهم في نادي والولد الكبير بتخليه يتعلم لعب الكارتيه وجبتله مدرسين خصوصين في البيت وال٢ الصغيرين ودتهم حضانة والله كريم مش بينزل غير وقميصه مكوي يعني الحلو كله بتعمله معاهم جت مره تعبت اوووي وعشان جوزها في شغله كلمت اخوها وراحو لدكتور قالها انتي حامل. نعم!! حامل ازاي..!؟
قالها ‏بقولك حامل مصدقتش راحت لدكتور و٢ و٣ قالو نفس الكلام وبعد شهر واتنين من الحمل الدكتور قالها انتي حامل في توأم، الله على فرحتها مش هعرف اوصفها وقضت فترة حملها وطبعا كانت حامل في بنت و ولد قبل ولادتها بشوية ابن جوزها الكبير قالها يا ماما عايز اطلب منك طلب وخايف قالتله متخفش يا حبيبي.
‏اطلب قالها اختي اللي جاية نفسي اسميها على اسم ماما بدون تفكير او تردد قالتله من عنيا يا كريم وجت معاد ولادتها جوزها قالها هودي العيال عند عمتهم لحد ما تولدي وتقعدي عند اهلك وتيجي رفضت بشده وقالتله عيالي ال ٣ هيجو معايا بيت أهلي وفعلا اخدتهم معاها قعدت اسبوعين ولما جت وهي نازلة ‏من العربيه لقناها جايبة أغلى شنط للأولاد للمدرسة والحضانة و أغلى جزم وكوتشيات واكياس مليانة كراريس وكشاكيل وأقلام وأنضف وأغلى لبس والله شوفته بعنيا وفعلا سمت البنت على اسم أم الأولاد.
امبارح بقا سمعنا صريخ وعياط طلعنا نشوف في ايه لقينا كريم عمه بيضربه ضرب موت وده عشان مش بيسمع كلام ‏مرات عمه ودي مش اول مره يضرب الواد ويبهدله لقينا مرات أبوه نزله تجري وشدت الواد من دراع عمه وقالتله: لولا انك عمه وراجل كبير أنا كنت مسحت بيك الأرض ولو مديت ايدك عليه تاني هقطعهالك.
قالها ده مش ابنك قالتله ده ابني غصب عنك وغصب عن الدنيا كلها
لتصلكم باقى القصه علقوا ب ٢٠ملصق ومشاركه فى خمس مجموعات

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق